【特稿】奇雲藍斯get!紅軍簽新阿奴?



【特稿】奇雲藍斯get!紅軍簽新阿奴?

【Now Sports】利物浦投資蘇格蘭神奇小子奇雲藍斯,有望為阿歷山大阿奴搵接班人!究竟佢有幾勁先? 文:薄荷糖

18歲嘅奇雲藍斯(Calvin Ramsay)年紀輕輕已經打響名堂,至今已為鴨巴甸上陣40場比賽,深得球會信賴,亦可見其實力超晒班!更有傳媒將其比喻為阿奴第二,大家應該都估到佢咩料啦:單單係2021/22年球季,上陣33次已經攻入1球,助攻9次,同阿奴一樣攻守兼備,係現今足球最為吃香嘅球員類型,難怪利物浦肯豪使400萬鎊將佢帶到晏菲路,仲有額外條款隨時要畀多150萬鎊鴨巴甸。

睇埋當地英媒嘅「球探報告」,就可以更深入認識呢位神奇小子:「奇雲藍斯的傳球非常出色,而且涵蓋不同距離,是一位強大的校炮手。他傾向挑戰對手守衛,給人翼鋒的印象更多於右閘。」

如此出色嘅球員,當然吸引不少球會青睞,有傳曼聯、紐卡素、熱刺、李城以至列斯聯都對佢有意,不過笑到最後嘅都係英超冠軍嘅熱門球隊利物浦。加上有阿奴做師傅傳授一身好功夫,呢位藍斯有望成為紅軍嘅潛力新股!

圖片來源 : Instagram圖片



Categories: 體育新聞

Tags: ,,,,,,,