【Now Sports】周二西甲，巴塞隆拿主場迎戰10人應戰的切爾達，憑射手奧巴美揚梅開二度，輕取3:1，聯賽取得3連勝。
皇馬已提早封王，巴塞亦已鎖定歐聯席位，餘下聯賽只屬「風流波」，但主帥沙維仍盡出主力，法基迪莊、迪比、費蘭托利斯、奧斯文丹比利、奧巴美揚（Pierre-Emerick Aubameyang）等悉數披甲。
上半場，巴塞表現予取予攜，但戰至29分鐘才打破缺口，丹比利扭過兩人後回傳，無人看管的迪比射成1:0。40分鐘，奧巴美揚妙射得手，拉開到2:0，結束半場。
換邊後不久，奧巴美揚接應丹比利傳送，梅開二度，巴塞領先3:0。戰至50分鐘，切爾達終於破蛋，前鋒艾斯柏斯接應加拿度助攻，左腳破網。可惜，梅里路在58分鐘領紅被逐，巴塞踢多1人，大局已定。
巴塞賽後得72分，領先踢少1場的西維爾7分，若後者周三輸波，巴塞便可提早鎖定亞軍位置。
圖片來源 : ©AFP
